Tre persona janë arrestuar dje në Dragash rreth orës 21:12, të cilët, sipas policisë dyshohen për vjedhje të rëndë në një fabrikë aktualisht jofunksionale në Dragash.
Sipas policisë të dyshuarit janë kapur në vendngjarje.
“Patrullat policore të stacionit të Dragashit dhe patrulla kufitare kanë shkuar në lokacionin e dyshuar.
- Rreth orës 22:30 është arrestuar i dyshuari i parë brenda fabrikës.
- Rreth orës 22:45 janë arrestuar edhe dy persona të tjerë të dyshuar.”, thuhet në njoftimin e policisë.
Policia poashtu ka njoftuar se në vend ngjarje, te të dyshuarit, janë gjetur mjete për vjedhje si: dorëza, fleks, bateri, sharrë metalike, si dhe një automjet që i përkiste njërës nga të dyshuarit
“Gjithashtu, policia ka sekuestruar automjetin e të dyshuarve dhe disa mjete pune të përdorura gjatë veprës penale. Policia është duke punuar me përkushtim për mbledhjen e dëshmive lidhur me rastin ne fjale si dhe lidhjen e të dyshuarve me veprat tjera te njëjta”, thuhet ndër të tjera në njoftimin e policisë.
Tutje, policia bëri të ditur se pas intervistimit, me aktvendim të Prokurorit kujdestar, tre të dyshuarit janë ndaluar për 48 orë.
