Tre persona janë arrestuar në fshatin Rashiq të Pejës pasi, sipas Policisë së Kosovës, dyshohet se po kryenin veprimtari të kundërligjshme lidhur me lojërat e fatit.
Sipas policisë, ata dyshohen për veprat penale ‘organizimi i skemave piramidale dhe bixhozit tё paligjshёm’ dhe ‘mbajtje nё pronёsi, kontroll ose posedim tё paautorizuar tё armёve’.
“Pas pranimit dhe trajtimit të informacioneve relevante se në një lokal në fshatin Rashiq-Pejё, disa persona po zhvillonin veprimtari të kundërligjshme të lojërave të fatit, Sektori Rajonal për Hetime, në kuadër të Drejtorisë Rajonale të Policisë në Pejë, me asistimin e zyrtarëve policorë tё njёsisё pёr reagim tё shpejtё, më 08.08.2026, me autorizim përkatës ligjor, ka ndërmarrë veprimet e nevojshme operative dhe hetimore për zbatimin e ligjit dhe ka realizuar kontroll/bastisje në këtë lokal”, thuhet në njoftimin e policisë.
Tutje, në njoftimin e policisë thuhet se gjatë kontrollit policor, në cilësinë e provave material janë sekuestruar: kuti me çipa pёr organizimin e lojrave tё pokerit, armё automatike AK-47, njё karikator, dhjetё (fishek) dhe një mjet i mpreht (brisk).
Personat e dyshuar, janë arrestuar dhe intervistuar nga hetuesit kompetent.
“Pas përfundimit të procedurave fillestare hetimore, me vendim të organit kompetent, dy nga tё dyshuarit janё ndaluar pёr 48- orё, ndёrsa njёri nga tё dyshuarit ёshtё liruar ne procedurё tё rregullt”, shkruhet në njoftim.
