Një qytetar në Prishtinë është arrestuar dhe dërguar në mbajtje pasi është raportuar nga gruaja se ka ushtruar dhunë fizike ndaj saj, raporton teve1.info
Sipas raportit policor, viktima ka pranuar tretman mjekësor ndërsa i dyshuari është dërguar në mbajtje.
“Është arrestuar i dyshuari mashkull kosovar pasi që ka ushtruar dhunë ndaj viktimës femër kosovare. Viktima ka pranuar tretman mjekësor. Me vendim të prokurorit, i dyshuari është dërguar në mbajtje”, thuhet në komunikatë.
Po ashtu në Podujevë është arrestuar dhe dërguar në mbajtje një qytetar pasi është raportuar se ka ushtruar dhunë fizike dhe psikike ndaj gruas.
Sipas raportit të Policisë, rastin e ka raportuar viktima të enjten në mesditë.
“Viktima femër kosovare ka raportuar se i dyshuari mashkull kosovar ka ushtruar dhunë fizike dhe psikike ndaj saj. Me vendim të prokurorit, i dyshuari është dërguar në mbajtje”, thuhet në komunikatë.
Kurse rasti i tretë ka ndodhur në Lipjan ku një grua e ka raportuar të dyshuarin mashkull se ka ushtruar dhunë psikike ndaj saj.
Me vendim të prokurorit i dyshuari është dërguar në mbajtje.
“Viktima femër kosovare ka raportuar se i dyshuari mashkull kosovar ka ushtruar dhunë psikike ndaj saj. Me vendim te prokurorit, i dyshuari është dërguar ne mbajtje”, thuhet në komunikatë.