Policia e Kosovës të hënën në Podujevë ka arrestuar tetë persona të dyshuar për vjedhje, shtatë nga ta janë të mitur.
Sipas njoftimit, shtatë personave ( të mitur) u është iniciuar rast për vjedhjet e artikujve në markete që kanë ndodhë në periudha të ndryshme kohore.
Ndërsa, personit të dyshuar 23 vjeçar, i janë gjetur dhe sekuestruar gjësende të cilat dyshohen të jenë të vjedhura.
Ndaj tij, është iniciuar rast për ‘Blerje, pranim ose fshehje të sendeve të përfituara me kryerjen e veprës penale’.
“Në koordinim me prokurorin e shtetit hetuesit po ndërmarrin veprimet e nevojshme policore para se rastet të procedohen më tej”, thuhet në njoftim./teve1.info/
