Pesë persona të dyshuar për gjuajtje me armë zjarri janë arrestuar të shtunën në fshatin Rugovë të Gjakovës.
Në raportin 24-orësh të Policisë thuhet se me urdhër të prokurorit është kryer bastisje në lokacionin e të dyshuarve dhe gjatë bastisjes janë gjetur dhe konfiskuar armë dhe municion.
Një pushkë gjuetie me 77 fishekë, një armë automatike EN MP5 9X19 me 39 fishekë 7.62x39mm, një armë SA-47 me tre karikator me 56 fishekë të kal.7.62x39mm, një armë e shkurt pistoletë me dy karikator dhe 23 fishekë 9×19, një karikator i revoles 9×19 mm dhe 268 fishekë 9×19 mm si dhe disa gëzhoja, janë sekuestruar gjatë operacionit.
Ndërkaq, të dyshuarit pas intervistimit me aktvendim të prokurorit kujdestar janë dërguar në qendrën e mbajtjes.
“Janë arrestuar pesë persona te dyshuar meshkuj kosovarë pasi që kishin shtënë me armë zjarri në fshatin e lartcekur. Me urdhër të prokurorit është kryer bastisje në lokacionin e të dyshuarëve dhe gjatë bastisjes janë gjetur dhe konfiskuar armë dhe municion me sa vijon: një pushkë gjuetie me shtatëdhjetë e shtatë (77) fishekë, një armë automatike EN MP5 9X19 me tridhjetë e nëntë (39) fishekë 7.62x39mm, një armë SA-47 me tre karikator me pesëdhjetë e gjashtë (56) fishekë te kal.7.62x39mm, një armë e shkurt pistoletë me dy karikator dhe njëzet e tre (23) fishekë 9×19, një karikator i revoles 9×19 mm dhe dyqind e gjashtëdhjetë e tetë (268) fishekë 9×19 mm. si dhe disa gëzhoja. Pas intervistimit me aktvendim të prokurorit kujdestar te dyshuarit janë dërguar në qendrën e mbajtjes”, thuhet në raportin e PK-së./teve1.info/
