Policia e Kosovës ka arrestuar katër shtetas të Serbisë (gjuetarë), të cilët kanë hyrë ilegalisht në Kosovë.
Sipas njoftimit të PK-së, të arrestuarit kishin edhe armë për të cilat nuk posedonin leje.
“Gjatë realizimit të detyrave të rregullta operacionale gjatë ditës së djeshme, vlen të ceket se njësite policore kanë arrestuar katër persona të dyshuar( gjuetarë) shtetas të Serbisë për kallim ilegal të vijës kufitare dhe armëmbajtje pa leje, te cilët kanë hyrë nga territori i Serbisë në Republikën e Kosovës. Armët dhe municioni i gjetur janë konfiskuar, ndërsa të dyshuarit, me vendim të organeve kompetente të drejtësisë, janë dërguar në mbajtje konform procedurave ligjore”, thuhet nga PK.
