Katër persona, dy prej tyre shtetas të Kosovës dhe dy të tjerë shtetas të Shqipërisë, janë arrestuar të shtunën në fshatin Dumnicë e Poshtme të Podujevës, nën dyshimin për kultivim të kanabisit.
Sipas Policisë, në pronën e dy shtetasve kosovarë është gjetur një sipërfaqe prej rreth një hektari, e mbjellë me misër dhe bimë narkotike të llojit kanabis, me gjatësi të ndryshme.
Ndërkohë, dy shtetasit shqiptarë ishin të angazhuar si punëtorë.
Pas intervistimit dhe me aktvendim të prokurorit kujdestar, katër të dyshuarit janë ndaluar.
“Janë arrestuar katër të dyshuar meshkuj; dy shtetas të Kosovës dhe dy shtetas të Shqipërisë. Dy të dyshuarit kosovarë janë arrestuar pasi që në pronën e tyre kanë hasur në një sipërfaqe rreth një hektar të mbjella me misër dhe lëndë narkotike kanabis me gjatësi të ndryshme. Ndërsa dy te dyshuarit tjerë shtetas të Shqipërisë dyshohet se ishin punëtor. Pas intervistimit me aktvendim të prokurorit kujdestar, katër të dyshuarit dyshohet se kanë kryer veprën penale të lartcekur dhe ndalohen në qendrën mbajtjes”, thuhet në raportin e Policisë së Kosovës./teve1.info/
