Sipas njoftimit, sekuestrimi i armëve është kryer në dy raste dhe lokacione të ndryshme.
“Sot në një lokal në rrugën “19 Qershori” në Podujevë, nga njësite të stacionit policor, pas një mosmarrëveshje dhe ekspozimit të armëve, është arrestuar një person i dyshuar për veprën kanosje, si dhe i është sekuestruar një armë zjarri e tipit Zoraki dhe një karikator.Po ashtu në të njëtin lokal, është sekuestruar edhe një armë e tipit TT me një karikatorë dhe 6 fishekë, përderisa dyshuari (i identifikuar nga ana e policisë), ndodhet në arrati”, thuhet në njoftim.
Ndërsa rasti i dytë i cilësuar si kanosje thuhet se ka ndodhë në fshatin Miradi e Ulët në Fushë – Kosovë.
Kurse lidhur me këtë rast policia ka identifikuar tre persona të dyshuar.
“Sot me urdhër të gjyqtarit të procedurës paraprake është kryer kontrolli në shtëpinë e personave të dyshuar dhe objekte përcjellëse, ku policia ka arrestuar tre personat e dyshuar dhe ka sekuestruar: një armë zjarri Ak-47, 3 karikatorë, 2 fishekë etj”, thuhet tutje.
Teksa sipas Policisë personat e arrestuar në të dyja rastet me vendim të prokurorit janë dërguar në mbajtje./teve1.info./
