Zëdhënësi i Policisë së Kosovës për rajonin e Gjilanit, Ismet Hashani, për teve1.info ka bërë të ditur se lidhur me rastin tashmë pesë persona janë në ndalim prej 48 orësh.
Sipas tij, ata akuzohen për veprat penale “lëndim trupor” dhe “prishje e rendit dhe qetësisë publike”.
“Lidhur me rastin pjesëmarrja në turmë dhe huliganizëm, të ndodhur gjatë ndeshjes sportive të futbollit në Gjilan, Policia e Kosovës ka ndërmarrë menjëherë të gjitha veprimet e nevojshme hetimore, me qëllim të arrestimit të personave të dyshuar dhe sjelljes së tyre para organeve të drejtësisë. Si rezultat i hetimeve intensive, deri më tani janë arrestuar pesë persona të dyshuar, dy nga të dyshimtit pas intervistimit në bazë të procedurav ligjore ndalen për 48 orë për veprën penale “Lëndim trupor”, ndërsa tre të tjerë “prishje e rendit dhe qetësisë publike”, rasti procedohet në procedurë të rregullt. Hetimet dhe veprimet policore lidhur me rastin janë duke vazhduar”, tha ndër tjerash ai./teve1.info/
