Sipas njoftimit të Policisë, dy zyrtarët komunalë janë përfshirë në veprën penale “Keqpërdorim i pozitës apo autoritetit zyrtar, teksa qytetari R.H., ka kryer veprat penale “legalizim i përmbajtjes së rreme”, “falsifikim i dokumenteve” dhe “mashtrim”.
“Hetuesit policorë nga Njësia Rajonale për Hetimin e Krimeve Ekonomike dhe Korrupsionit (NjRHKEK) – Prishtinë, në bashkëpunim me Prokurorinë Themelore në Prishtinë, kanë trajtuar një rast ku të përfshirë kanë qenë zyrtarë nga Komuna e Obiliqit dhe një qytetar. Dy të dyshuarit: A. B. dhe N.K.Sh.(zyrtarë komunal), dyshohetse janë përfshirë në veprën penale: ‘keqpërdorim i pozitës apo autoritetit zyrtar’. Kurse, i dyshuari R.H., dyshohet se ka kryer veprat penale: ‘legalizim i përmbajtjes së rreme’ , ‘falsifikim i dokumenteve’ dhe ‘mashtrim’. Rasti ështëtrajtuar nëndyshimin se një pronë është tjetërsuar në mënyrë të kundërligjshme”, thuhet në njoftim.
Tutje theksohet se të dyshuarit janë intervistuar dhe me aktvendim nga prokurori, R.H., është dërguar në ndalim policor deri në 48 orë, kurse ndaj dy të dyshuarve tjerë rasti do të vazhdohet në procedurë të rregullt. /Teve1.info/
