Dy zyrtarë publikë janë arrestuar nën dyshimin se kanë kërkuar dhe kanë marrë para nga një person me pretendimin se ai ta kalojë provimin teorik për patentë-shoferë.
Dy zyrtarët janë ndaluar për ryshfet dhe keqpërdorim të detyrës zyrtare, si dhe ndaj të cilëve është caktuar masa e ndalimit prej 48 orësh.
“Personat e ndaluar janë zyrtar publik të cilët dyshohet se me qëllim të përfitimit të kundërligjshëm të dobisë pasurore për vete ,nga i dëmtuari kanë kërkuar dhe pranuar një shumë të caktuar të të hollave (cash), në atë mënyrë që i dëmtuari ta kaloj testin teorik për patentë shofer, me çka pas dhënies së shumës të caktuar të parave në formë të ryshfetit, i njëjti e ka kaluar testin teorik”, thuhet në njoftimin e Prokurorisë Themelore në Prishtinë. /teve1.info/
