Policia e Kosovës ka arrestuar dy shtetas të huaj nën dyshimin për veprimtari të kundërligjshme mjekësore.
Sipas njoftimit ata janë arrestuar në një lokacion në Prishtinë, lidhur me dyshimet për ushtrim të veprimtarisë në lëmin e ortoprotetikës pa licencën përkatëse.
“Gjatë inspektimit është vënë re dhe dyshohet ofrimi i shërbimeve shëndetësore në kundërshtim me dispozitat ligjore, me ç’rast Inspektorati kompetent ka ndaluar ofrimin e këtyre shërbimeve”, thuhet në njoftim.
Të dyshuarit me vendim të Prokurorit të Shtetit janë ndaluar për 48-orë./teve1.info/
