Dy persona janë arrestuar nga Policia e Kosovës, pasi të njëjtit dyshohet se kanë kryer vjedhje të rënda në Fushë-Kosovë.
Policia thotë se rastet janë raportuar gjatë javës së kaluar dhe kanë ndodhur në tri lokacione të ndryshme.
Në rastin e parë janë vjedhur mjete pune dhe një motor i veturës, vlera e të cilave arrin mbi 3 mijë euro.
Lidhur me këtë rast, policia dyshon në një 31-vjeçar, me inicialet F.V..
Ndërsa, në rastin tjetër është arrestuar një 48-vjeçar me inicialet A.H., që dyshohet se ka kryer vjedhje të rëndë në Sllatinë, ku policia i ka gjetur pjesë të automjeteve pa dokumentacion.
Për teve1.info, zëdhënësja e Policisë së Kosovës për rajonin e Prishtinës, Flora Ahmeti ka bërë të ditur se për rastin e dysë janë në kërkim të dy personave tjerë të dyshuar.
Ndërkohë, dy të arrestuarit janë dërguar në mbajtje me vendim të prokurorit./teve1.info/
