Përmes një njoftimi për media nga PK-ja kanë bërë të ditur se të arrestuarit janë një 48-vjeçar dhe një 33-vjeçar.
Sipas PK-së, 48-vjeçari ishte i kërkuar për veprën penale “Lëndim i lehtë trupor”, ndërsa 33-vjeçari ishte i kërkuar për veprën “Shantazh”.
“Në bazë të urdhëresave aktive njësitet policore në Mitrovicën e Jugut kanë arrestuar dy persona për të cilët kishte urdhëresa të lëshuara nga Gjykata kompetente. Sipas urdhëresës aktive është arrestuar i dyshuari, N. H., 48 vjeçar, shtetas i Republikës së Kosovës, i kërkuar për veprën penale ‘Lëndim i lehtë trupor’, i njëjti pas kryerjes se obligimeve ndaj gjykatës është liruar . Po ashtu sipas urdhëresës aktive në Mitrovicën e Jugut, është arrestuar i dyshuari, F. A., 33 vjeçar, shtetas i Republikës së Kosovës, i kërkuar për veprën penale ‘Shantazh’, i njëjti pas përfundimit të procedurave policore është dërguar në vuajtje të dënimit”, thuhet në njoftimin e Policisë. /teve1.info/
