Në ora 06:15 në fshatin Dubravë të Ferizajt është arrestuar personi i kërkuar A.C 41- vjeçar, i cili ishte i kërkuar në bazë të urdhëresës së Gjykatës Themelore në Ferizaj për veprën penale ‘’Lëndim i rëndë trupor ’’, me dënim burgimi prej një viti, raporton teve1.info
Ndërsa i dyshuari tjetër R.G 27-vjeçar është arrestuar në fshatin Jezerc të Ferizjat, i dyshuar për veprën penale “Vjedhje e pyllit”.
“Ndërsa në ora 06:45 në fshatin Jezerc të Ferizajt është arrestuar personi i kërkuar R.G (M/K) i moshës 27 vjeçar, i cili ishte i kërkuar në bazë të urdhëresës së Gjykatës Themelore në Ferizaj për veprën penale ‘’ Vjedhje e pyllit ’’, me dënim burgimi prej dhjetë ditëve. Pas kompletimit të dokumentacioneve të dy personat e arrestuar janë dërguar në vuajtje të dënimit”, thuhet në komunikatë.
Drejtoria Rajonale e Policisë në Ferizaj, do të vazhdojë me realizimin e urdhëresave të gjykatës ndaj personave që ende nuk i janë përgjigjur thirrjes së gjykatës.
