Policia e Kosovës ka njoftuar se ka arrestuar dy persona të dyshuar për grabitje.
Siç njofton polica, të dyshuarit janë të mitur me vendim të prokurorit janë dërguar në qendrën e mbajtjes.
“Bashkëpunimi i qytetarëve me Policinë e Kosovës, ka mundësuar që sot të sigurohet prezenca e dy personave të dyshuar për veprën grabitje. Aktualisht hetuesit policor të stacionit Qendra, ndaj tyre po ndërmarrin të gjitha veprimet e nevojshme në koordinim me prokurorinë përkatëse, lidhur me rastet (së paku dy raste të grabitjeve) ku dyshohet të jenë të përfshirë . Personat e dyshuar që të dy të mitur me vendim të prokurorit janë dërguar në qendrën e mbajtjes. Faleminderit mediave dhe qytetarëve për kontributin e vazhdueshëm dhe besimin në Policinë e Kosovës”, thuhet në njoftim.
