Policia e Kosovës ka arrestuar dy persona të dyshuar për aksidentin që kishte ndodhur më 31.10.2021, ku kishte humbur jetën një 60-vjeçar, pas afër një muaji trajtim në QKUK.
Arrestimi i tyre është bërë të enjten.
Ai ishte goditur me veturë në magjistralen Ferizaj-Shtime në fshatin Lloshkobare.
Në këtë rast drejtuesit e automjetit kishin ikur nga ngjarja.
“Mbi bazën e disa informacioneve të pranuara, policët hetues kanë arritur që të identifikojnë veturën BMË dhe sot me datën 03.08.2023 kanë arrestuar të dyshuarin ( shoferin) I.J ( M/K) i moshës 21 vjeçar, i cili dyshohet se me datën 31.10.2021 në fshatin Loshkobare të Ferizajt ka shkaktuar aksident komunikacioni dhe është larguar nga vendi i ngjarjes. Gjithashtu me këtë rast është arrestuar edhe pasagjeri i veturës BMË, i dyshuari R.B ( M/K) i moshës 21 vjeçar . Të dyshuarit janë intervistuar nga policët hetues në prani edhe të avokatëve mbrojtës dhe me vendim të prokurorit të rastit janë ndaluar në mbajtje për 48 orë, për procedura tjera hetimore, ndërsa në kërkim policor janë edhe dy persona tjerë që dyshohet se kanë qenë pasagjerë në veturë, të njohur tashmë për policinë”, thuhet në komunikatë./teve1.info/
