Policia ka njoftuar se dy të arrestuarit janë të moshës 21 dhe 23 vjeç.
Sipas policisë, rasti ka ndodhur në rrugën “Mentor Ratkoceri” në Prishtinë, ku njëri nga pesonat e dyshuar ka tentuar që të godas me automjet zyrtarët policor, në rroba civile të cilët ishin në detyrë, raporton teve1.info
“Zyrtarët policor edhe pse janë prezantuar si polic, asnjëri nga personat e dyshuar nuk i është bindur urdhrave të tyre dhe njëri nga ta ka shtënë me armë zjarri në drejtim të zyrtarëve policor, por fatmirësisht nuk ka arritur të qëlloj ata”, thuhet në njoftimin e policisë.
Në njoftim thuhet se zyrtarët policorë janë detyruar të përdorin armën e zjarrit me qëllim të neutralizimit të veprimeve të rrezikshme.
“Duke marrë në konsideratë faktin se veprimet e të dyshuarit përbënin një kërcënim të drejtpërdrejtë dhe potencialisht të rrezikshëm për jetën e tyre, zyrtarët policor domosdoshmërish janë detyruar të përdorin armën e zjarrit me qëllim të neutralizimit të veprimeve të tilla të rrezikshme të personit të dyshuar si dhe për ta vënë të njëjtin nën kontroll, ku më pas kanë arrestuar personat e dyshuar si dhe kanë sekuestruar edhe një revole, e cila dyshohet të jetë arma e përdorur në rastin në fjalë”
Nuk raportohet për persona të plagosur, përkundër shkrepjeve.
I.R pas arrestimit është dërguar në mbajtje për 48 orë./teve1.info
