Dy persona janë arrestuar në Ferizaj për therej me thikë të një 23-vjeçari.
Sipas PK-së i lënduari pas marrjes së ndihmës në Qendrën Emergjente në Ferizaj është dërguar në Qendrën Klinike Universitare të Kosovës (QKUK) në Prishtinë për trajtim të mëtejshëm.
Ndërsa, dy të dyshuarit 21- vjeç janë arrestuar afër 5 orë, pasi kishte ndodhur rasti.
“Falë një pune intensive hetimore dhe grumbullimit të informacioneve në terren, hetuesit rajonalë kanë arritur të identifikojnë dhe rreth orës 21:50 të arrestojnë dy persona të dyshuar të implikuar në këtë rast. Të dyshuarit, pas arrestimit, janë shoqëruar në stacionin policor. Pas intervistimit nga hetuesit dhe me vendim të prokurorit të rastit, dy personat e dyshuar, E.P. (M/K) dhe N.D. (M/K), të moshës 21 vjeç, janë ndaluar për 48 orë për procedura të mëtejshme hetimore, ndërsa si provë materiale është sekuestruar arma e ftohtë ( thikë), me të cilën dyshohet se është shkaktuar lëndimi”, thuhet në komunikatën e PK-së.
Policia do të vazhdojë hetimet dhe do të informojë publikun për zhvillimet e tjera lidhur me këtë rast./teve1.info/
Arrestohen dy 21-vjeçarë për therjen e 23-vjeçarit në Ferizaj
