Prokuroria Themelore në Gjakovë, ka njoftuar se sot në një fshat të Gjakovës ka ndodhur një tentim vrasje.
Lidhur me rastin është arrestuar i dyshuari P.B., i cili si rezultat i një mosmarrëveshje të mëhershme ka tentuar ta privojë nga jeta viktimën GJ.B. duke shtënë me armë në drejtim të tij.
Prokuroria ka thënë përmes kësaj vepre formohet dyshimi se i njëjti ka kryer veprën penale “Vrasje në tentativë”.
Përveç P.B, për 48 orë është ndaluar edhe një i dyshuar tjetër me inicialet Z.B në vendin e njëjtë, pasi ai ka sulmuar një zyrtar policor, derisa Policia po bastiste në shtëpinë e të dyshuarit.
“Po ashtu, lidhur me këtë rast nga Departamenti i Përgjithshëm, është ndaluar në kohëzgjatje prej 48 orësh, edhe personi tjetër i dyshuar me iniciale Z.B, në datën dhe në vendin e njëjtë pasi që zyrtaret policor kanë shkuar në shtëpinë e të dyshuarit për bastisje, i dyshuari ka sulmuar njërin prej zyrtarëve policor, me këto veprime formohet dyshimi i bazuar se i njëjti ka kryer veprat penale “Sulmi ndaj personit zyrtar” dhe“Mbajtja në pronësi, kontroll ose posedim të paautorizuar të armëve”, sipas Kodit Penal të Republikës së Kosovës (KPRK)”, thuhet në njoftim.
