Tëvë1 mëson se dy persona janë arrestuar nga Policia e Kosovës për prishje të rendit dhe qetësisë publike në veri të Mitrovicës, ku atje po mbahet një koncert.
Ndërkohë, orë më parë gjatë përgatitjeve për hapjen e festivalit “Mitrovica International Jazz Days” një grup qytetarësh serbë protestuan pranë skenës së vendosur në qendër duke brohoritur dhe fishkëllyer.
Grupi i qytetarëve serbë kishte vendosur tavolina në mes të rrugës, duke bllokuar hyrjen drejt hapësirës ku pritej të mbahej koncerti.
Në vend të muzikës së koncertit, ishte vendosur muzikë me përmbajtje nacionaliste serbe.
Në afërsi të skenës ku ishte paraparë të performonte Rona Nishliu, qëndruan pjesëtarë të Policisë së Kosovës për të ruajtur rendin dhe për të menaxhuar situatën e tensionuar.
