Në njoftimin e policisë thuhet se njëri nga të dyshuarit është pronar i biznesit, kurse tjetri është autorizues i biznesit.
“Policia e Kosovës bazuar në autorizimet ligjore dhe në koordinim me autoritetet e drejtësisë ka ndërmarr veprime të nevojshme, nën dyshimet se gjatë vitit 2021 pronari dhe i autorizuari i një biznesi kanë përfituar tender nga Institucionet e Republikës së Kosovës pa i plotësuar kriteret”, thuhet në njoftim.
Sipas policisë dy të dyshuarit me inicialet S.D dhe A.D kanë paraqitur si referenca në dosjet e tenderëve në vitin 2021, referenca me vlerë rreth 100,000.00 euro të cilat nuk i kanë të deklaruara në qarkullimin e ATK-së.
“Lidhur me rastin pas veprimeve hetimore është vërtetuar se të dyshuarit kanë paraqitur si referenca në dosjet e tenderëve në vitin 2021, referenca të cilat nuk i kanë fare të deklaruar qarkullimin në Administratën Tatimore të Kosovës dhe qarkullimin Bankar të Falsifikuar në një bankë, vlera e tenderëve të fituar sillet rreth 100,000.00 euro (një qind mijë euro)”, thuhet tutje në njoftim.
Me vendim të prokurorit njëri nga të dyshuarit është dërguar në mbajtje , kurse tjetri për shkaqe shëndetësore është dërguar për trajtim në përkujdesje mjekësore në sigurim të Policisë./teve1.info/.
