Policia e Kosovë ka arrestuar dy persona të cilët janë ndaluar për 48 orë në Skenderaj.
Siç bëhet e ditur dy të arrestuarit kishin pas një mosmarrëveshje pronësore të mëhershme mes dy personave.
Pasi kanë marrë autorizimin nga prokurori, hetuesit policor kanë kryer kontrolle në dy lokacione në zonën e Skenderajt ku gjatë këtyre kontrolleve kanë gjetur tri armë tytë-gjata
Poashtu njësia e hetimeve kanë arritur të sigurojnë një video-incizim në të cilin ishte parë duke shtënë me armë personi tjetër i përfshirë në mosmarrëveshje.
“Gjatë këtyre kontrolleve janë konfiskuar dhe do të procedohen si prova materiale: armë automatike AK-47 me dy karikator dhe 60 fishekë, pushkë gjuetie dy-tytshe me 18 fishekë ,pushkë ajrore, armë me gaz e llojit pistoletë. Personat e dyshuar janë intervistuar dhe ndaj tyre janë iniciuar rastet për veprat penale: Kanosje, Armëmbajtje pa leje dhe Përdorim i armës apo mjetit të rrezikshëm. Me Aktvendim të prokurorit ndaj të dyshuarve është caktuar masa e ndalimit policor prej 48 orësh”, thuhet nga policia.
