Policia e Kosovës ka arrestuar dy persona për armëmbajtje pa leje në Pejë e Istog.
Sipas njoftimit, Policia ka konfiskuar dy pistoleta, dy karikatorë, 24 fishekë dhe një sprej.
“Drejtoria Rajonale e Policisë nё Pejë, Stacioni Policor në Pejë, me datën 19.05.2026, rreth orës 18:50, patrulla policore gjatë patrullimit në Rrugën Konferenca e Bujanit në Pejë, ka ndaluar personin tani i dyshuar dhe pas kontrollit në çantën e tij të krahut i është gjetur dhe sekuestruar arma (Pistoletë) një karikator dhe shtatëmbëdhjetë (17) fishek të kalibrit 9x19mm. Me datë 19.05. 2026, patrulla e Stacionit Policor Istog, rreth orës orës 22:50, deri sa ishte në pikë kontrolli në fshatin Banjë-Istog, kishte ndaluar një automjet dhe pas kontrollit në bagazhin e tij ishte gjetur arma (Pistoletë) me një karikator, shtatë (07) fishek dhe një OC sprej, të njëjtat janë sekuestruar”, thuhet në njoftim.
Pas konsultimit me Prokurorin e shtetit, të njëjtit janë liruar në procedurë të rregullte./teve1.info
