Sipas Policisë së Kosovës në këtë ngjarje janë përfshirë I.H 53-vjeçar dhe B.H 42-vjeçar.
Policia ka thënë se marrjes së informacionit rreth orës 13:00 dhe veprimeve të nevojshme është arrestuar I.H për shkak se i kishte shkaktuar lëndime trupore B.H, i cili sipas PK-së pasi ka marrë trajtimin mjekësor në Qendrën Emergjente ka kërcënuar I.H,
“Në lidhje me këtë, policët e rendit e më pas edhe policët hetues menjëherë i kanë marrë veprimet e nevojshme, kanë dalë në vendin e ngjarjes dhe kanë arrestuar dy personat: I.H (M/K) i moshës 53 vjeçar, i cili shkak i një mosmarrëveshje i kishte shkaktuar lëndime trupore personit B.H ( M/K) i moshës 42 vjeçar, i cili për ndihmë mjekësore dërgohet në Qendrën Emeregjente në Ferizaj, e më pas ky i fundit kanos I.H”, thuhet në komunikatë, raporton teve1.info.
Të dyshuarit i ka shoqëruar në stacionin e policisë në Ferizaj dhe pas intervistimit nga policët hetues, me vendim të prokurorit kujdestar nga Prokuroria Themelore në Ferizaj, të dy të dyshuarit dërgohen në mbajtje për 48 orë për procedura të mëtejme hetimore.
