Policia e Kosovës ka arrestuar dy persona gjatë mbrëmjes së djeshme, pas një kontrolli ku janë zbuluar para të gatshme, armë dhe substanca narkotike.
Sipas njoftimit, tek njëri nga të dyshuarit janë gjetur dhe sekuestruar rreth 1 mijë e 745 euro në valuta të ndryshme, të cilat dyshohet se janë përfituar nga shitja e narkotikëve, si dhe një telefon mobil.
Ndërkohë, tek i dyshuari tjetër policia ka sekuestruar një armë zjarri me një karikator dhe 10 fishekë, një sasi të vogël të substancës së dyshuar narkotike të llojit kokainë (rreth 0.4 gram), si dhe një telefon.
Gjatë kontrollit të veturës së tyre janë gjetur edhe rreth 53 gram marihuanë, një peshore digjitale dhe qese të vogla najloni, që dyshohet se përdoreshin për paketimin e narkotikëve.
Me vendim të prokurorit është kryer edhe kontroll në banesën e njërit nga të dyshuarit, ku janë sekuestruar edhe rreth 56 gram marihuanë.
Pas intervistimit, të dyshuarit janë dërguar në mbajtje me urdhër të prokurorit.
