Policia e Kosovës ka njoftuar se janë arrestuar dy persona të dyshuar për djegien e një veture “Audi” në parking në rrugën “Asllan Pireva” në Prishtinë.
Rasti ka nodhur më 03.08.2023, ndërsa arrestimi i tyre është bërë të hënën.
“Ndërmarrja e veprimeve hetimore dhe veprimeve të tjera operative të kryera nga njësiti i hetimeve të stacionit policor Veriu në Prishtinë, ka rezultuar me identifikimin si dhe arrestimin e të dyshuarve S. Sh. 61 vjeç, mashkull, shtetas i republikës së Kosovës, si dhe B. K. 25 vjeç, mashkull, shtetas i republikës së Kosovës, për të cilët dyshohet me bazë të jenë përfshirë në rastin në fjalë”, thuhet në komunikatën e PK-së.
Sipas komunikatës të dyshuari, pas arrestimit, me aktvendim mbi ndalimin e personit të dyshuar, të nxjerrë nga ana e prokurorit të shtetit u dërguan në qendrën e mbajtjes prej 48 orësh, si vijimësi e fazave të mëtejme të procesit hetimor./teve1.info/
