Dy pjesëtarë të Policisë së Kosovës kanë pësuar lëndime trupore, pasi janë sulmuar nga dy të dyshuar të cilët janë arrestuar përderisa policia ishte duke i shqiptuar gjobë për kundërvajtje.
Rasti ka ndodhur në rrugën “Nën Tereza” në Pejë.
Lëndime sipas policisë ka pësuar edhe njëri nga të dyshuarit të përfshirë në këtë rast.
“Janë arrestuar dy të dyshuar meshkuj kosovarë pasi që të njëjtit kanë sulmuar dhe penguar njësitin policor derisa ishin duke i shqiptuar një gjobë për kundërvajtje njërit nga të dyshuarit. Si pasojë e sulmit lëndime trupore kanë pësuar dy zyrtar të PK-së dhe një nga të dyshuarit të cilët kanë pranuar tretman mjekësor. Me vendim të prokurorit dy të dyshuarit janë dërguar në mbajtje”, thuhet në raportin 24- orësh.
