Sipas një njoftimi të publikuar nga vet Organizata për Rritjen e Cilësisë në Arsim, pasi procedurat për vendimin përfundimtar për rastin e Bujar Dugolli dhe Ardian Kastrati po marrin kohë, anëtarët e organizatës kanë vendosur që të kalojnë në aktivizëm gueril, thuhet në njoftim.
“Në të gjitha rastet kur institucionet tregohen të paafta për t’i jetësuar vendimet meritore ndëshkuese për kryesit e shkeljeve, ORCA do të reagojë duke iu pamundësuar kryesve aktivitetin e
tyre të përditshëm normal.
Nuk mund të ketë normalitet në situatë jonormale. Është jonormale që një profesor i dënuar për plagjiaturë të vazhdojë të shfaqet para studentëve, prandaj ne po e normalizojmë situatën duke mos lejuar që kjo të ndodhë.
Ne u arrestuam, por do të vazhdojmë luftën kundër plagjiaturës!”, thuhet ndër të tjera në njoftimin e publikuar në Facebook.
