Përveç në Qafë Morinë, IKP arrestoi edhe zyrtarë policorë në pikën kufitarë në Qafë Prush.
Pas këtij operacioni tri institucionet u bën bashkë në një konferencë për media.
Aty Kryeprokurori i Shtetit, Aleksandër Lumezi, drejtori i Përgjithshëm i Policisë së Kosovës, Samedin Mehmeti, dhe kryeshefin e IPK-së, Kushtrim Hodaj, dhanë detaje për operacionin “Pika”.
“Në momentin e zbulimit të identiteteve të kryerësve të veprave penale, kemi nxjerrë aktvendim për zhvillimin e hetimeve kundër 68 personave. Sot jeni njoftuar se janë arrestuar 50 zyrtarë shtetërorë, 48 nga Policia e Kosovës dhe dy nga Shërbimi Doganor i Kosovës”, tha Lumezi.
Në konferencë u bë me dije se të arrestuarit dyshohen për përfshirje në mbi 400 raste të veprave kriminale.
“Ekziston dyshimi i bazuar se të arrestuarit janë të involvuar në qindra herë, apo mbi 400 veprimtari kriminale të veprës penale të marrjes së ryshfetit dhe keqpërdorim të detyrës zyrtare”, theksoi Hodaj.
E drejtori i Policisë së Kosovës, Samedin Mehmeti, tha se përkundër këtij aksioni, siguria në pikat kufitare është në nivelin maksimal.
“Janë larguar disa për ryshfet. Ma të sigurt jemi sot sesa që kemi qenë dje. Fakti që policia e ka fuqinë dhe vullnetin me luftua korrupsionin ndihemi më mirë sesa dje. Siguria në pikat kufitarë është në nivelin maksimal”, tha ai.
Të arrestuarve u është caktuar masa e paraburgimit dhe janë suspenduar.
Raporti i gazetares Doresa Geci.
