Tre inspektorë të Administratës Tatimore të Kosovës janë ndaluar nën dyshimin për marrje të ryshfetit.
Zëdhënësja e këtij institucioni Valentina Bytyqi – Sefa, tha për Tëvë1 se deri më tani nuk ka pranuar shkresë zyrtare as nga Policia e Kosovës e as nga Prokuroria Themelore e Gjakovës.
Bytyqi-Sefa deklaroi se konfirmoi se për bastisjen vetëm është informuar drejtori regjional i Administratës Tatimore përmes telefonit.
“Nga Policia e as Prokuroria nuk kemi pranuar shkresë zyrtare për arrestimet. Njoftimin nëpërmjet telefonit për bastisjet edhe ndalimin policor e ka pranuar drejtori regjional. ATK në momentin që pranon njoftim zyrtar apo kërkesë nga organi kompetent do të merr vendim sipas legjislacionit në fuqi”, ka thënë ajo.
