Shërbimi Korrektues i Kosovës ka bërë të ditur se mbrëmë nga Spitali i Gjilanit, konkretisht Reparti i Psikiatrisë është arratisur një person i burgosur.
I arratisuri me inicialet M.G., ka qenë i akuzuar për veprën penale “Kanosje”.
Në njoftimin e ShKK-së, thuhet se është informuar Policia e Kosovës dhe gjykata kompetence, gjithashtu është formuar edhe komisioni hetimor për të zbardhur rrethanat e arratisjes.
“Ndaj zyrtarëve të cilët kanë qenë përgjegjës për mbikëqyrjen e të burgosurit është iniciuar procedura disiplinore, ndërsa, në bazë të vendimit të komisionit disiplinor, ata janë pezulluar nga puna”, thuhet në njoftim./teve1.info/
