Autoriteti Rregullativ i Komunikimeve Elektronike dhe Postare, ka bërë të ditur se Posta e Serbisë vepron ilegalisht në Kosovë.
Në një komunikatë për media të lëshuar pas aksionit të Policisë së Kosovës në objektet e postës serbe në veri, ku janë mbyllur disa pika të kësaj poste, ka thënë çështje e operimit të kësaj poste ishte tentuar të zgjidhet në kuadër të dialogt, por që ishte refuzuar nga Serbia.
“Çështja e operimit të postës serbe (JP Pošta Srbije) në të kaluarën është tentuar të zgjidhet në kuadër të dialogut në Bruksel, por si pasoj e kundërshtimit nga pala serbe, kjo çështje asnjëherë nuk është trajtuar edhe pse është përmendur në ‘Marrëveshjen për Telekomunikacion’ (Ref. Marrëveshja për Telekomunikacion, e vitit 2013), përkatësisht në pikën 5, në të cilën shprehimisht thuhet:’Ndonëse shërbimet postare nuk kanë qenë pjesë e këtyre diskutimeve, të dy palët janë pajtuar ti diskutojnë ato në një fazë të mëvonshme’.Pra meqenëse është lënë që kjo çështje të diskutohet në një fazë të mëvonshme, deri më sot nuk ka patur iniciativë për fillimin e bisedimeve për zgjidhjen e kësaj çështje, apo edhe ndonjë veprim konkret për ndalimin e operimit të postës serbe (JP Pošta Srbije).Për më tepër ky subjekt NUK figuron të jetë i regjistruar në ARBK, pra rrjedhimisht nuk posedon Certifikatë Biznesi, Numër Fiskal etj”, thuhet në komunikatë.
Aksion policor në objektet e Postës së Serbisë që operon në veri
