Policia e Kosovës është duke u zhvilluar një aksion policor në objektet e Postës së Serbisë.
Zëvendësdrejtori i Policisë së Kosovës për rajonin e veriut, Veton Elshani, ka thënë se aksioni ka nisur pas informatës së pranuar nga Autoriteti Rregullativ i Komunikimeve Elektronike dhe Postare (ARKEP) se në territorin e Kosovës po operojnë operatorë ekonomikë pa licencë dhe që nuk janë të regjistruar në ARBK.
“Pas një shkrese/informate te pranuar nga ARKEP, se ne territorin e Kosovës operojnë operator ekonomik pa licencë dhe të pa regjistruar në ARBK, njësitë policore kanë shkuar për verifikim të këtij informacioni. Informacioni ka rezultuar të jetë i saktë me ç’rast policia ka njoftuar prokurorin e shtetit dhe tutje vazhdojmë sipas autorizimeve të tij”, tha Elshani për teve1.info.
