Ai tha se në bord duhet të emërohen njerëz që nuk janë të afërt me partitë politke.
“Po bëhen gati një vit e gjysmë që Organi Shqyrtues i Prokurimit është pa bord funsikonal, respektivisht 15 muaj ose që nga muaji mars i vitit 2021, ky bord është pa nënshqyrtues pa vendim marrje dhe e gjithë arsyeja pse aty nuk ka bord qëndron tek politika, tek subjektet politike, tek interesat politik, që në këtë bord të vazhdohet dhe të sjellën njerëz jopolitik”, ka thënë ai në INFO NATA në Tëvë1.
I pyetur se pse është kaq i rëndësishëm që OShP-ja të kontrollohet nga partitë politike, ai ka thënë se pothuajse gjysma e buxhetit të Kosovës shpenzohet nëpërmjet procedurave të prokurimit.
“E rëndësishme është sepse gati gjysma e buxhetit e republikes së Kosovës shpenzohet nëpërmjet procedurave të prokurimit, pra aty është paraja publike, aty qarkullon paraja publike dhe aty është interesi, sepse edhe raportet e organizatave kredibile vendore edhe raportet e organizatave ndërkombëtare prokurimin e shohin si burimin kryesor dhe më të afektuar në korrupsion publik”, ka thënë Arifi në “Info Nata”.
Sipas tij, potenciali për korrupsion në prokurimin publik është tejet i madh dhe se institucionet po bëjnë shumë pak që dukuria e korrupsionit të goditet në burim.
“Potenciali për korrupsion në prokurimin publik është tejet i madh, ndërsa lufta e institucioneve që dukuria e korrupsionit të goditet mu aty në burim është shumë e vogël dhe këtu qëndrojnë shumë arsye”, shtoi ai.
Ndryshe, Bordi i OShP-së ka mbetur pas asnjë anëtar që nga 31 marsi dhe kështu ka bllokuar mbi 100 projekte/tenderë të iniciuara nga institucionet e Kosovës.
