Sipas Arifit Njësisë Speciale i është ulur niveli.
“Njësia Speciale unë nuk e di që kontratën e punës e kanë me dhënë qortime. Njësia Speciale dihet për çka është, vetëm për veprime të shpejta, nuk janë për me dhënë qortime ata. Ata janë për çështje tjera, prandaj po më doket iu ka ul niveli Njësisë Speciale pa nevojë e angazhim i panevojshëm, kur s’kemi indikacione që të paktën prej një 1 nëntorit ka pasur dhunë”, tha ai në “Këndi i Debatit” në Tëvë 1.
Ai theksoi se derisa gjendja është e qetë në veri, në këtë çështje duhet të kyçen policët normal.
Nga 1 deri më 21 nëntor, Qeveria e Kosovës ka marrë vendim që të qortojë qytetarët serb të cilët nuk konvertojnë targat në RKS. Pas kësaj date, për dy muaj deri më 21 janar do të jetë masa e gjobitjes. /Teve1.info/
