Për këtë ka folur profesori universitar, Dritëro Arifi.
Arifi në emisionin “Ditari” në Tëvë1, ka thënë se MSA-ja është çështja që rregullon tregtinë e Kosovës, potencën ekonomike karshi konkurrencës brenda Unionit Evropian.
“Ka pasur ligje që janë miratuar dhe kanë transformuar shoqërinë por besoj se MSA është çështja që rregullon tregtinë tonë potencën tonë ekonomike karshi konkurrencës brenda unionit evropian, çështja e tarifave të përbashkëta e cila parashihet që deri në 10 vite duhet të jemi të gatshëm që të rregullojmë apo ulim tarifat doganore apo t’i unifikojmë për produkte të caktuara që mund të parashihen”, tha ai.
Sipas tij, kjo marrëveshje ka të bëjë me 70% tregti dhe 30% janë me çështje politike.
“Është fati i Kosovës që kemi filluar në forma unlaterale qysh më herët edhe para se ta nënshkruajmë MSA-në që ta bëjmë një unifikim apo përafrim të ligjeve të Kosovës me ato të BE-së. Qeveria Kurti 2 kur ka ardhur në pushtet është bërë edhe një plan i veprimit për zbatimin e MSA-së që parashihet 2020-2025”, tha ai.
Ai thotë se MSA-ja është parapërgatitje para se një vend të anëtarësohet në BE. /teve1.info/
