I pyetur se a do të ketë rrezik që të dështojë pranimi i Kosovës në Këshillin e Evropës, duke marrë parasysh lobimet e Serbisë, Arifi në emisionin “Ditari” në Tëvë1, tha se imazhi i Serbisë është dobësuar dhe se nuk mund ta ndal këtë proces.
“Serbia ndoshta mund të provojë por nuk do të shkojë në ekstrem sepse nuk është më në avantazhin që ka qenë krahasuar me luftën në Ukrainë. Kjo luftë ia ka dobësu shumë imazhin Serbisë në vendet e Bashkimit Evropian për shkak të mos vendosjes së sanksioneve ndaj Rusisë”, tha Arifi.
Sipas tij, edhe vendet që më herët e kanë përkrahur Serbinë janë shumë skeptik nësë Serbia do të vazhdojë me këtë ritëm.
“Politika e jashtme e Serbisë është dëmtuar shumë, andaj momenti është pozitiv për republikën tonë, sepse vendet që më herët kanë qenë skeptik e kanë ndryshuar mendimin sepse faktet në terren kanë dhënë tjetër rezultat”, ka shtuar ai.
Sot Kosova ka dorëzuar aplikimin për anëtarësim në Këshillin e Evropës, organizatë kjo e cila qëllim kryesor ka sigurimin e bashkëpunimit dhe unitetit ndërmjet anëtarëve të saj në fushë e mbrojtjes së të drejtave të njeriut, demokracisë dhe sundimit të ligjit. /teve1.info./
