Ai thotë se nëse politikanët e Kosovës dhe Shqipërisë vazhdojnë ta përkrahin Luginën e Preshevës vetëm në kohë zgjedhjesh me disa fjalë të mira dhe të mos marrin asnjë iniciativë serioze pas 10 viteve nuk do të ketë shqiptarë në Preshevë.
“Nuk është parë ende një iniciativë serioze as nga Qeveria e Kosovës por as nga Qeveria shqiptare. Ndoshta ju duhet të bëheni të dy parlamentet bashkë dhe dy qeveri që të bëhet me të vërtetë kjo shumë serioze sepse pikërisht kur po flasim për “Ballkanin e Hapur” po zhduken shqiptarët në Luginën e Preshevës. Kjo është absurditet dhe ne po e marrim si të mirëqenë, po e themi ndoshta një deklaratë…. por vetëm një deklaratë nuk e zgjedhë problemin. Duhet të jemi më pragmatik por duhet të jemi edhe më aktiv, domethënë Lugina e Preshevës edhe 10 vite nuk do të ketë shqiptarë, nëse vazhdojmë me këtë mentalitet, pra nga një fjali kur të ka zgjedhje i përkrahim vëllezërit tanë dhe motrat mirëpo aty përfundon gjithçka”, tha ai.
Këtë deklaratë Dritëro Arfii e bëri në emisionin “Këndi i Debatit” në Tëvë1 duke e pyetur Shefen e Grupit Parlamentar të Lëvizjes Vetëvendosje, Mimoza Kusari –Lila se a ka ndonjë plan konkret Qeveria Kurti për Luginën e Preshevës.
Ndarjen e 2 milionë eurove për Luginën e Preshevës nga Qeveria Kurti, Arifi e sheh si pozitive mirëpo thotë se edhe Qeveria shqiptare duhet të kontribuojë më shumë në këtë drejtim pasi që sipas tij, Shqipëria ka qasje në disa mekanizma ku Kosova nuk ka.
“Qeveria e Kosovës e di që për herë të parë i ka dhënë afër 2 milionë euro, Qeveria Kurti 2. Kjo është shumë pozitive por nuk duhet të ndalemi aty sepse edhe Qeveria Shqiptare është anëtare e NATO-s, ka qasje në mekanizma ku ne nuk kemi qasje shembull në Këshillin e Evropës, pra duhet të ngritët në nivele shume të larta pse jo edhe në Këshillin e Sigurisë pasi që Shqipëria do ta udhëheqë Këshillin e sigurimit për një muaj”, tha ai.
