Sipas tij, Serbia është në avantazh për shkak të Bashkimit Evropian.
“Ne kosovarët jemi mjeshtër të institucioneve paralele. Nëse shikojmë kryetarët e komunave veriore serbe, ata po paraqiten si një “mini” Qeveri brenda Kosovës, pa thënë ata “amin” për diçka në veri, po bëhet problem. Mirë është që Franca dhe Gjermania më në fund janë zgjuar nga gjumi dimëror rus, prandaj në fatkeqësi, është fati jonë që ndodhi lufta në Ukrainë, sepse ne do vazhdonim kështu edhe 30 vite sikur të jetonim në një zonë të Palestinës. BE-ja ka këtë problem, nuk duan ta pranojnë Kosovën si vend të pavarur, nuk është problemi tek Serbia. Serbia është në avantash për shkak të Bashkimit Evropian, jo sepse është më e zgjuar apo më e fuqishme”, tha Arifi në emisionin “Këndi i Debatit” në Tëvë1.
Ndërkaq, Arifi tha se më e zgjuar për Francën do ishte bindja e Spanjës ta njohë Kosovën, e jo të shkojë direkt në Serbi./Tëvë1.info.
