Kryetari i Preshevës, Shqiprim Arifi ka thënë se qysh vite me parë ka deklaruar se kryeministri, Albin Kurti nuk është mik dhe partnerë i ShBA-së.
“Ju kam thënë qysh vite me parë se Albin Kurti nuk është mik dhe partner i SHBA-së, madje kjo rezulton si një person non-grata në Amerikë. Ishte një paralajmërim për të gjithë shqiptarët anekënd botës se përherë të parë në histori Qeveria e Kurtit është radhitur Anti-Amerikane me kauza mashtruese “anti-imperialiste” ashtu duke ndihmuar edhe propagandat e Beogradit që synojnë çarje të marrëdhënieve Kosovë-Amerikë”, ka shkruar ai në X.
Arifi thotë se do të shihet shumë shpejt se ku shpie “rrugica pa krye” e Qeverisë Kurti.
“Sidoqoftë, ditëve të fundit kemi parë dhe dëgjuar nga vetë Ambasadorët Amerikan dhe ndërkombëtarë. Se ku shpie kjo rrugicë pa kokë e Qeverisë së devijuar të Kurtit, si dhe pasojat nga ky konvertim larg politikave kombëtare shqiptare do të shihet së shpejti|”, ka deklaruar ai.
Ju kam thënë qysh vite me parë se Albin Kurti nuk është mik dhe partner i SHBA-së, madje kjo rezulton si një person non-grata në Amerikë. Ishte një paralajmërim për të gjithë shqiparët anekënd botës se përherë të parë në histori Qeveria e Kurtit është rradhitur Anti-Amerikane me…
— Shqiprim Arifi (@arifishqiprim) February 16, 2024
