Kryetari i Komunës së Preshevës, Shqiprim Arifi ka dhënë detaje lidhur me takimin që ka pasur me ambasadorin e ShBA-ve në Serbi, Christopher Hill.
Arifi ka theksuar se temë bosht e këtij takimi ka qenë pasivizimi i shqiptarëve në Preshevë.
“Sot pasivizimi i shqiptarëve në Luginë të Preshevës nuk është në të njëjtin stad siç ka qenë para disa viteve. Ky fenomen është pranuar nga gjithë ndërkombëtarët që bën dëm për shqiptarët dhe i cili duhet të ndalohet”, ka theksuar ai.
Ai në emisionin “Ditari” në Tëvë 1 ka thënë se meqenëse Hill është duke punuar në këtë drejtim, atij i janë dhënë informata shtesë lidhur me këtë fenomen.
“Ai është duke u marr me këtë punë. E kemi krijuar atë pikturën së bashku se çka do të thotë pasivizimi. Sot në vazhdimësi kemi hyr në sqarim të disa detajeve shtesë të cilat e plotësojnë pikturën e fenomenit të pasivizimit. Pasivizimi është i dënuar nga Bashkimi Evropian, për çdo vit del raporti i Departamentit të Shteteve të Bashkuara të Amerikës që një hise të madhe aty e ka ambasadori Hill. Del edhe raporti i Bashkimi Evropian në lidhje me pasivizmit. Detyra ime dhe e ambasadorit është që t’i sqarojmë detajet dhe ngjarjet si si ndodhë pasivizimi nga shqiptarët. Besoj që sot ka marr informacione shtesë. Problemi i pasivizimit të shqiptarëve është një problem edhe juridiko-teknik dhe politik” është shprehur ai.
Ambasadori amerikan në Serbi, Christopher Hill, sot është pritur në takim nga kryetari i Preshevës, Shqiprim Arifi ./teve1.info/
