Duke komentuar deklaratën e zëdhënësit të BE-së Peter Stano, se Kosova ka refuzuar propozimin e QUINT-it për mbajtjen e zgjedhjeve të Serbisë, Arifi tha se BE-ja nuk është treguar fare e balancuar në këtë çështje.
“Sot çka jam befasuar më shumë është qasja e BE-së se si e trajton çështjen e Kosovës dhe Serbisë në raport me zgjedhjet. Kjo ka qenë për mu, citimi i ditës, amo mund ta them parafrazimi i ditës, pra që Bashkimi Evropian nuk është treguar fare i balancuar në këtë çështje. Nuk mund ta akuzosh një vend tjetër, dhe çka është tjetra ne po themi gjatë tërë ditës se Kosova është pro-perëndimore. Kjo nuk është ndonjë diçka shumë si lajm sepse këtë e dinë të gjithë ministrat e deputetët e të gjitha vendeve të Parlamentit Evropian”, tha Arifi në emisionin “Këndi i Debatit” në Tëvë 1.
Profesori universitar shtoi se BE-ja është duke e izoluar Kosovën, e sipas tij, Qeveria e Kosovës është dashur t’u thotë jo mbajtjes së zgjedhjeve.
“Por problemi është Kosova, është vendi më i izolum, vendi ma pro-perëndimor dhe pro-evropian është vendi më i izolum. Këtë nuk na e ka bë Serbia. Këtë e ka bërë Bashkimi Evropian. Është duke e izoluar Kosovën, prandaj Qeveria e Kosovës është dashtë me ju thon jo zgjedhjeve, por jo vetëm për shkakt të Serbisë, por edhe për shkak të BE-së”, theksoi ai.
Arifi potencoi se “zgjedhjet nuk janë problem me u mbajtë, por problemi është kur nuk ki raporte normale me një shtet, atëherë jemi në këto pozicione”. /Teve1.info/
