Arianit Islami është emëruar zëvendësues i drejtorit të përgjithshëm të Autoritetit të Aviacionit Civil (AAC) të Kosovës. Kjo pasi në mbledhjen e javës së kaluar, Qeveria kishte shkarkuar Bujar Ejupin nga pozita e drejtorit të AAC-së “për shkak të disa shkeljeve”.
Sipas një dokumenti të publikuar në media, vendimi për emërim është nënshkruar dje nga ministri i Mjedisit, Planifikimit Hapësinor e Infrastrukturës, Liburn Aliu, raporton teve1.info
Lajmi është konfirmuar edhe nga Autoriteti i Aviacionit Civil të Kosovës përmes një postimi në Facebook.
Para këtij vendimi, Islami kishte shërbyer si drejtor i Departamentit të Shërbimeve të Navigacionit Ajror.
