Autoriteti i Aviacionit Civil të Kosovës, ka njoftuar se Arianit Islami është emëruar ushtrues i detyrës së Drejtorit të Përgjithshëm në këtë institucion.
AAC-ja thotë se Islami ka përvojë mbi 20 vjet ë aviacion.
“Islami është inxhinier i diplomuar i elektroteknikës nga Fakulteti i Inxhinierisë Elektrike dhe Kompjuterike në Universitetin e Prishtinës, ndërsa ka magjistruar në Universitetin e Aviacionit Civil të Francës (ENAC) në degën e komunikimit, navigimit dhe vëzhgimit të bazuar në satelit”, thuhet në njoftim.
Në vitin 2023, ka doktoruar në Laboratorin e ENAC dhe Universitetin Paul Sabatier në Tulluz, Francë në lëminë e menaxhimit të trafikut ajror.
