Sipas komunikatës së Prokurorisë, më datë 04.08.2022, Prokuroria Themelore ne Gjilan në bashkëpunim me Policinë e Kosovës në Gjilan, pas informacioneve se një person i dyshuar po merret me shitblerjen e narkotikeve, me urdhër të gjykatës kanë bastisur shtëpinë e tij.
“Në shtëpinë e të dyshuarit janë gjetur dhe sekuestruar : Një qese e vogël plastike me substancë të dyshuar narkotike të llojit Marihuanë me peshë prej 1.4 gramëve, një qese e plastikës me substancë të dyshuar narkotike të llojit Marihuanë me peshë prej 29.6 gramëve, një qese e plastikës me substancë të dyshuar narkotike të llojit Marihuanë me peshë prej 56.1 gramëve, një peshore elektronike – digjitale, një mulli për bluarje të marihuanës (grinder) dhe një sasi e qeseve të vogla plasmani (minigripa) që shërbejnë për paketim të narkotikëve”, thuhet në komunikatë.
