Skuadra e Milanit ka marrë një lajm të mirë sa i përket situatës së mesfushorit Ardon Jashari, i cili u lëndua para një muaj.
Bëhet e ditur se rikuperimi i Jasharit po shkon shumë mirë dhe mesfushori pritet të jetë i gatshëm për lojë më herët sesa ishte parashikuar.
Jashari u dëmtua më 28 gusht në stërvitje dhe pritej që të qëndronte jashtë fushe për tre muaj për shkak të frakturës që e kishte në fibulën e këmbës së djathtë.
Kështu që, bazuar në programin e rikuperimit, Jashari po pritet të kthehet në fushë para muajit nëntor, ku do të stërvitet me ekipin pas ndeshjeve të Kombëtareve në tetor për të qenë i gatshëm për lojë.
Mesfushori 23-vjeçar në afatin kalimtar të verës iu bashkua Milanit nga Brugge për 38 milionë euro dhe me fanellën e ekipit italian ka vetëm dy paraqitje.
