Club Brugge mund të përballet me një detyrë të vështirë për të mbajtur mesfushorin Ardon Jashari këtë verë me një numër klubesh dhe skuadrash të Ligës Premier dhe në të gjithë Evropën që po ndjekin zhvillimin e lojtarit.
22-vjeçari është një nga lojtarët më të ndritur në skuadrën belge që arriti në fazën e 1/8-tës të Ligës së Kampionëve.
Kështu, paraqitjet e tij të mira me Club Brugge, por edhe me kombëtaren e Zvicrës kanë bërë që Jashari të bie në sy të skuadrave evropiane.
Sipas mediumit Sky Sports, mesfushori me prejardhje shqiptar i Club Brugge, mund të kalojë në Ligën Premier sezonin e ardhshëm.
Së paku tre klube të kampionatit elitar anglez janë duke e monitoruar situatën, ku për Jasharin janë të interesuar edhe më shumë klube nëpër Evropë.
Javët e fundit, Jashari ishte i lidhur me Manchester United, Tottenham Hotspur dhe Juventus, ndërsa çmimi i tij në treg vlerësohet të jetë 25 milionë euro.
