Ardian Gjini do të jetë sërish kandidati i Aleancës për Ardhmërinë e Kosovës për kryetar të Komunës së Gjakovës në zgjedhjet lokale të 12 tetorit.
Kryetari i AAK-së, Ramush Haradinaj ka thënë se Gjakova nën udhëheqjen Gjinit ka përjetuar transformime të mëdha që sipas tij do të vazhdojë edhe për katër vitet e ardhshme.
“Kryetari Ardian Gjini, tashmë i vlerësuar nga shumë institucione për qeverisje të drejtë dhe efikase, ka vendosur standarde të reja në shërbim të qytetarëve të Gjakovës, pa dallim. Investimet e shumta dhe projektet zhvillimore të realizuara gjatë mandatit të tij e kanë ndryshuar pozitivisht pozicionin ekonomik dhe imazhin e qytetit tonë.Aleanca në Gjakovë do ta vazhdojë këtë qeverisje të suksesshme me Kryetarin Gjini edhe për katër vitet e ardhshme”, ka shkruar ai në Facebook.
