Kandidati i partisë “Guxo” për komunën e Lipjanit, Ardian Bytyqi ka prezantuar disa nga pikat kryesore të programit të tij, me fokus në përmirësimin e shërbimeve shëndetësore dhe arsimore në këtë komunë.
Në fushën e shëndetësisë, Bytyqi theksoi nevojën urgjente për ndërtimin e një Qendre Satelit për pacientët që kanë nevojë për dializë
Ai gjithashtu premtoi ndërtimin e një objekti pranë QKMF-së për të ofruar shërbime të përditshme për fëmijët me autizëm, sindromën Down dhe nevoja të veçanta.
“Fëmijët me nevoja të veçanta aktualisht nuk kanë trajtim të mjaftueshëm. Ne do të punojmë që kjo të ndryshojë”, u shpreh Bytyqi.
Në arsim, ai premtoi praktika me pagesë për studentët e profileve të ndryshme, transport falas për nxënësit që udhëtojnë mbi 3 kilometra, si dhe modernizimin e shkollave me pajisje digjitale dhe laboratorë shkencorë.
“Në arsim kemi parapa praktika me pagesë për student të profileve të ndryshme, transport falas për nxënës që udhëtojnë mbi 3 kilometra, modernizim të shkollave me teknologji digjitale, laborator shkencor”, deklaroi Bytyqi në emisionin “Ditari” në tëvë1./teve1.info/
